CARTA

EGO FRATER JOHANNES MARCUS LARMENIUS, HYEROSOLIMITANUS, DEI GRATIA ET SECRETISSIMO VENERANDI SANCTISSIMIQUE MARTYRIS, SUPREMI TEMPLI MILITIÆ MAGISTRI (CUI HONOS ET GLORIA) DECRETO, COMMUNI FRATRUM CONSILIO CONFIRMATO, SUPREMUS UNIVERSUM TEMPLI ORDINEM, SUMMO ET SUPREMO MAGISTERIO INSIGNITUS, SINGULIS HAS DECRETALES LITTERAS VISURIS, SALUTEM, SALUTEM, SALUTEM.

NOTUM SIT OMNIBUS TAM PRÆSENTIBUS QUAM FUTURIS, QUOD, DEFICIENTIBUS, PROPTER EXTREMAM ÆTATEM, VIRIBUS, RERUM ANGUSTIA ET GUBERNACULI GRAVITATE PERPENSIS, AD MAJOREM DEI GLORIAM, ORDINIS, FRATRUM ET STATUTORUM TUTELAM ET SALUTEM, EGO SUPRA DICTUS, HUMILIS MAGISTER MILITIÆ TEMPLI, INTER VALIDIORES MANUS SUPREMUM STATUERIM DEPONERE MAGISTERIUM:

IDCIRCO, DEO JUVANTE, UNOQUE SUPREMI CONVENTUS EQUITUM CONSENSU, APUD EMINENTEM COMMENDATOREM ET CARISSIMUM, FRANCISCUM THOMAM THEOBALDUM ALEXANDRINUM, SUPREMUM ORDINIS TEMPLI MAGISTERIUM, AUCTORITATEM ET PRIVILEGIA CONTULI, ET HOC PRÆSENTI DECRETO, PRO VITA, CONFERO CUM POTESTATE, SECUNDUM TEMPORIS ET RERUM LEGES, FRATRI ALTERI, INSTITUTIONIS ET INGENII NOBILITATE MORUMQUE HONESTATE PRÆSTANTISSIMO, SUMMUM ET SUPREMUM ORDINIS TEMPLI MAGISTERIUM, SINE COMMILITONUM TEMPLI CONVENTUS; ET, REBUS ITA SESE HABENTIBUS, SUCCESOR AD NUTUM ELIGATUR.

NE AUTEM LANGUESCANT SUPREMI OFFICII MUNERA, SINT NUNC ET PERENNITER QUATUOR SUPREMI MAGISTRI VICARII; SUPREMAM POTESTATEM, EMINENTIAM ET AUCTORITATEM; SUPER UNIVERSUM ORDINEM, SALVO JURE SUPREMI MAGISTRI HABENTES; QUI VICARII MAGISTRI APUD SENIORES SECUNDUM PROFESSIONIS SERIEM ELIGANTUR. QUOD STATUTUM È COMMENDATO MIHI ET FRATRIBUS VOTO SACROSANCTI SUPRÀ DICTO VENERANDI BEATISSIMIQUE MAGISTRI NOSTRI, MARTYRIS (CUI HONOS ET GLORIA) AMEN.

EGO DENIQUE, FRATRUM SUPREMI CONVENTUS DECRETO, È SUPREMA MIHI COMISSA AUCTORITATE, SCOTOS TEMPLARIOS ORDINIS DESERTORES, ANATHEMATE PERCUSSAS, ILLOSQUE ET FRATRES SANCTI JOHANNIS HYEROSOLIMAE, DOMINIORUM MILITIÆ SPOLIATORES (QUIBUS APUD DEUM MISERICORDIA) EXTRÀ GIRUM TEMPLI, NUNC ET IN FUTURUM, VOLO, DICO ET JUBEO.

SIGNA, IDEO, PSEUDO-FRATRIBUS, IGNOTA ET IGNOSCENDA CONSTITUI, ORE COMMILITONIBUS TRADENDA, ET QUO, IN SUPREMO CONVENTU, JAM TRADERE MODO PLACUIT.

QUÆ VERO SIGNA TANTUMMODO PATEANT POST DEBITAM PROFESSIONEM ET ÆQUESTREM CONSECRATIONEM, SECUNDÙM TEMPLI COMMILITONUM STATUTA, RITUS ET USUS, SUPRÀ DICTO EMINENTI COMMENDATORIS À ME TRANSMISSA, SICUT À VENERANDO ET SANCTISSIMO MARTYRE MAGISTRO JACOBO DE MOLAYA (CUI HONOS ET GLORIA) IN MEAS MANUS HABUI TRADITA. FIAT SICUT DIXI FIAT. AMEN.

EGO JOHANNES MARCUS LARMENIUS DEDI, PARISII DIE DECIMA TERTIA FEBRUARII 1324.

EGO FRANCISCUS THOMAS THEOBALDUS ALEXANDRINUS, DEO JURANTE, SUPREMUM MAGISTERIUM ACCEPTUM HABEO, 1324.

 

Non Nobis Domine, Non Nobis, Sed Nomini Tuo da Gloriam!